Përshkrim
Shalqiri Crimson është një varietet me fruta të mëdha, të rrumbullakët ose ovale, me lëkurë të gjelbër të hapur me vija të errëta dhe brendësi të kuqe të butë e të ëmbël, me rreth 11% përmbajtje sheqeri. Në temperaturën 25°C, farat mbijnë brenda 4-8 ditëve, ndërsa bima piqet plotësisht 80 – 95 ditë pas mbjelljes.
Mbjellja nga fidanët: Farat mbillen për fidanë më 10 – 15 Mars në një thellësi 2 – 3cm, në zona të mbrojtura si serra apo shtretër të nxehtë. Fidanët duhet të mbillen në vazo me diametër 10cm dhe të jenë gati për transplantim në fund të Prillit ose fillim të Majit.
Mbjellja e fidaneve jashtë: Transplantimi bëhet kur ka kaluar rreziku i ngricave, zakonisht në fund të muajit Prill dhe fillim të muajit Maj, me distanca 150 x 80-100cm në mes të bimëve.
Mbjellja direkte: Më e përshtatshme është ndërmjet 20 – 30 Prillit, në një thellësi prej 2 – 3cm, duke respektuar distancën 150 x 80-100cm mes bimëve.
Shalqiri Crimson është një zgjedhje e shkëlqyer për ata që kërkojnë fruta të mëdha, të ëmbla dhe me prodhim të lartë në kushte të ngrohta.
